Kohima nung gari ka apu

Dimapur, April 15 (TYO) : DEF Kohima nungi Mobile Unit-i Paramedical junction area Kohima nung garitem mita reprangdang Maruti Esteem gari ka apu.
Iba gari (No. AS-01K-1450) mita reprangdang gari aser smart card nung chassis aser engine number meputepi aliba putet. Iba dak sendakba nung gari kibur Nazir Hussain apu.
Pa ya Karimganj, Assam nungi Suaibul Hoque’er jabaso ta jangjaogo aser pa ya tang Church Road Dimapur nung telidak lir. Iba asoshi Kohima South PS nung ken o ka benokogo, ta Sub-Divisional Police Officer & PRO, Kohima-i sangdong ka nung metetdaktsü.