Chinese GP: Rosberg-i Pole jenjang nguogo

Shanghai, April 16 (Agencies): Mercedes telok gari toktepa anishir, Germany nunger Nico Rosberg-i qualifying toktepba nung 1 buba jenjang ngua, Chinese Grand Prix (GP) Formula One (F1) tetoktepba nung pole jenjang agitsü jenjang tanü, Honibar nü nguogo.
Ajisüaka, külem telok gari anishir, Britain nunger Lewis Hamilton-i aniba gari timtem ajurua toktepba tembanga shilem magitetba yong pai tatembangba jenjang nung Chinese GP nung shilem agitsüsa jenjang nguogo.
Taküm küm tenzüker tanü tashi nung F1 takok marok anaben tashi agizüka alisang, Rosberg-i Red Bull telok gari anishir, Australia nunger Daniel Ricciardo den takaraba, mapang minute 1 ser second 35.402 nung alizüng tonga pole jenjangji angu.
Tena sülen anidaka, Ferrari telok gari anishir, Finland nunger Kimi Raikkonen aser Germany nunger Sebastian Vettel nati tasembuba aser pezübuba jenjang ngua liasü.