Akhoya Medemzünga Club-i metetdaktsür

Dimapur, April 18 (TYO) : Akhoya Medemzünga club ajanga acha-ayanga volleyball tournament koba tesüiba küm asem tashi Changtongya town aser temeket nung aliba lanurtem asaya aruogo, taküm nungibo Changtongya Town temeket nungi dang masü saka Langpangkong yimtsüngtem nung aliba lanur tejangrar shirnoksa lir, parnok ajak nem yimli agütsütsü ta AMZ club-i sangdong ka nung metetdaktsü.

Kasa sangdong nungsa iba asayamung ya May 3-4, 2016 nung alitsü aser asayamong nung temaba jenjang angur nem Running Trophy den Rs. 20,000 senpet aser tanabuba jenjang takok angur nem Running trophy den Rs. 15,000 senpet agütsütsü ta shia lir.

Ano, telok nungi alakteta junga sayatetertem asoshi best attacker aser best setter senpetem alitsü. Anungji kari tangi iba asayamung nung shilem aginüra, temenuba agi April 25, 2016 tashi nung 8974196018/8974902656 tongteprateptsü akok, ta AMZ club-isa metetdaktsü.