Defending champions, Czech-i France den Fed Cup final asayatsü

Paris, April 18 (Agencies): Karolina Pliskova aser Lucie Hradecka nati kanga junga shilem agia, Switzerland madak takok anguba sülen par Czech Republic teloki France telok den Fed Cup tennis asayamong final asayatsü jenjang yashi, Deobar nü nguogo.
Czech Republic teloki küm 6 tsüngda nung tan agi Fed Cup final 5 buba nung shilem agitsü jenjang angur lir.
France telokia Netherlands telok madak semifinal asaya koka taküm November ita 12-13 nü tashi asayatsü ayongba Fed Cup final nung shilem agitsü jenjang yashi ngua liasü.
Pliskova-i Timea Bacsinszky madak takok anguba sülen Viktorija Golubic-ia points 3-6, 7-6 (8/6) 6-1 agi Barbora Strycova tsükdakja par Czech telok temaba jenjang nung ajungkettsü.
Tesülen, Pliskova o Hradecka nati points 6-2, 6-2 agi Golubic aser Martina Hingis na madak tetsür doubles asaya akokba yong par Czech teloki points 3-2 agi Switzerland telok den temaba jenjang ngua semifinal asayaji kokadok.