Amang Mesüra Angu? T. Ken 27:7-14 :

Na lulaa lir asü? Ken züluri lulaba nungi kümzüktsü lenmang ka ngua lir. “Akümlir lima nung Kibuba ajungba angutsü mamang asübo ni lulala”(t.13). Dawidi sentok ama bilem. Pa tsükchirtem pa anema aru, aser tiaji metizüktettsüsa liasü.
Dawid ama asenoki tamang agi jajatsüla. “Ni mamang asübo ni lular lila.” Luke 18 nung Yisui tezü metangi sarasademtsü sayu. Sarasademji nai amangba kuli lir. Alimai angubaji amangba ta ashir. Tekong 13ji alima nisungi zulu asübo, “Ni mangu asübo ni lular lila” ta zülutsü. Iba tebilemtsü Martha den liasü. Yisüi Martha dang ashi, “Nai amangra nai angutsü ta meshika ma?” (Yn 11:40). Thomai ashi, “Angubaji amangba”, saka Yisüi ashi, “Amangbaji anguba” (T.Ken 20:24-29).
Tamang kulitemji tejangja. Mezüngbuba asenoki Kibuba bushir, “Kü tejak bushiang ta ni ashidang; kü mulungjangi ne dang ashi, ne tejak, Kibuba, ni bushidi”(t.8). Nai ne tamang yangluner asü aser tamang agi jajaa tamang ajanga raraner asü? Süra Kibuba tejak bushiang. Tanabuba, Kibuba dang jaang. “O Kibuba, ne lemang kü dang sayuang, aser ni lenden lemang nung aniang”(t.11). Ibaji sarasadem lir. Tasembuba, ajak dang tasaktiba mapa inyakang- Kibuba dang ataa liang. “Kibuba asoshi ataang; tashi itang, aser ne mulung tasü itdakjang”(t.14). Amangbaji anguba. Tanü Kibuba dak amangang.
Khristan taküm nung mapa tasak kaji Tsüngrem dang ataa alibaji lir. Talisa ibai tatitangba mapang tasak lir. Saka ibaji Pai ne tamang yangluba mapang lir. Lulaa teli. Kibuba dang ataa liang aser Pai na tashi itdaktsütsü.