Olympics medal agizüktsü mangdang lir: Dipa

Rio de Janeiro, April 19 (Agencies): Tripura tsür, Dipa Karmakar-i taküm August ita asayatsü ayongba Rio Olympics nung India tenüng nung medal agizüktsütsü alizüng ayuba olen ka metetdaktsüogo.
Arishi küm 22 tain gymnast, Dipa-i Rio Olympics nung shilem agitsü jenjang ngua, India-i küm 52 tsüngda nung tang mezüngsüa gymnastic tetoktepba nung shilem agitsü jenjang tajung bener arutsü.
Brazil kübok Rio de Janeiro yimti nung agiba Olympic qualifying tetoktepba nung points 52.698 ngua, Dipa-i Olympics nung shilem agitsü jenjangji yashi, Hombar nü ajangzüka otsü tasen yanglua liasü.
Ano külen, Dipa-i Olympics nung shilem agitsü jenjang ngua, India jenjang tajungba kümdaktsüba atema India Ato Kilonser, Narendra Modi-ia pelaba olen ka tanü, Mongolbar nü metetdaktsüogo.
“Dipa-i temulungtetba tulu yur India nem konang bener arutsüba atema la nem tenüngsang agütsür,” ta Modi-i metetdaktsü.