Mon nung tanü NPF lokti senden alir

Dimapur,  April 19 (TYO) : Naga People’s Front (NPF) lokti senden ka Mon town nung Bodbar nü alitsü asoshi sentong renema lir. Iba sentong ya  Mon town council hall nung anüngdang 11:00 ako nungi tenzüktsü.
Iba lokti senden sentong nung tongti tesemdanger Chief minister Wb.T.R.Zeliang aser tetushi tesemdanger Home minister, Wb.Y.Patton asütsü aser NPF Nagaland tadong tir Wb.Lepshi Ao-i sentong len anitsü.
Iba kasa sentong nung MLA Wb.Noke Wangnao aser RD minister Wb.C.L.John nati o tatsütsü jembitsü aser NPF Mon Division tir Wb.Yanlong o DUDA Advisor Wb.N.Thongwang nati tepela o ashitsü.
Iba sentong lapoka KBCM sannüker Wb.N.Nahngom-i sarasademtsü aser 46 A/C NPF lanurtemi ken atentsü.