ANCSU-i takhangba nungi masetshir

Dimapur, April 19 (TYO) : April 19, 2016 nü LCS building Kohima nung NSEE (State reserve quota) candidate tem, tsüraburtem, social activists, ANCSU lennirtem aser khuret abenba sensotem külem senden ka amen.
Senden nung state sorkari ANCSU-i akhangba magizükba onüktem benoka lemsatep. Onüktemji Technical & Professional courses nung state reserve seats anema nisung shimba aser Eligibility Category III nung non local tem State Reserve Quota nungi NSEE agütsüdaktsübatem lir, ta ANCSU tir, Zhoku Thuluo aser tongti tezülur, Benjong Longchar nati külem sangdong nung shia lir.
Tanü senden nung adenertemi ANCSU pusema nungittsü bangjemtep. State reserve Seats atema non locals tatidang magütsüdaktsütsü aser sorkari May 14, 2016 nü NSEE (State reserve Quota) tatidang agitsüba aliba nungi CATEGORY III agientsü takhangba agütsür, ta ANCSU mendenpurtemisa sangdong nung shia lir.