‘So You Think You Can Dance-Ab India Ki Baari’ tenzükogo

Mumbai, April 20 (Agencies): Mongolbar aonung Mumbai yimti nung Dance reality TV show ‘So You Think You Can Dance-Ab India Ki Baari’ tezükogo aser iba nung tetendanger asemji Bollywood actress Madhuri Dixit, choreographers -Terence Lewis aser Bosco Martis nunger asütsü.

TV actors Mouni Roy aser Rithvik Dhanjani nati sabang nungi iba sentong tenzükja tena tsüngda kati ka asaya-menüja tenzükba sülen tsüngsanger balalai shilem agi.

Western version ‘So You Think You Can Dance’ den mesüktepa iba show ya &TV nung sayatsü aser iba nung ya street den stage dance styles alitsü.

Street dance ya dance studios nung masü saka dance parties, block parties, parks, school yards, raves aser nightclubs nung tsüngsangba style tem lir. Ajisüaka stage dance yabo training junga agia alirtemi jilushi ama tsüngsangba lir.

“Iba ya jangratemtsüka asütsü, kechiyong yangi stage style aser street style na tsüngda tokteptsü,” ta Lewis-i osangbenertem dang ashi.

Sentsü tanak aser temesüng agi yangluba sabang nung tsüngsangertemi street aser stage tsüngsangba style tebendang sayuogo. Stage tsüngsangertemji silver süoshi sema liasü aser street tsüngsangertemji hon sentsü süoshi sema liasü.

“Street v/s Stage Gala rounds nung takokertemji tetendangertemi shimtsü. Iba show ajanga hopta tatembanglen sayuba television sentong junga reprangtsü imlar,” ta &TV business head, Rajesh Iyer-i ashi.

Endemol Shine India-i produce asüba show ya April 24 nungi sayutsü.