Mkg ADC & Administrator MMC-i office tem dang metetdaktsür

Dimapur, April 20 (TYO) : Mokokchung nung Head of office ajaki pei office indang jana endoktsü atema dumping pit ayutsü mepishia metetdaktsür, ta Addl. Deputy Commissioner & Administrator Mokokchung Municipal Council (MMC), Bendanglila-i metetdaktsü.

Office aikati kilentzü aodak jana endoker aser ibaji ajanga tangbanger. Anungji Mokokchung Municipal Council telongtet nung aliba office ajaki dumping pits ayutsü mesüra dumping box nung dang jana endoktsü mepishir, ta Bendanglila-isa sangdong ka nung metetdaktsü.