Assam nung loktii auer 2 tepset

Guwahati, April 20 (Agencies): Napong auyaba atema Hombar aonung Assam, Nagaon district nung loktii nisung asem dak azükba sülen ka asü aser Assam, Lakhimpur district nunga tekülem kidang slipper auyar ka tepset.
Nagaon SP, YT Gyatso-i,  Amlakhi Tea Estate nung nisugn asemi napong ka auyar benjungtsü atema renemdang lokiti par asem dak azükba sülen police nem agütsü. Ajisüaka parnok rongnung Adivasi lanur ka tenüng agi Bijoy Bhumij bo police station nung asü, ta ashi.
Ano tanga tatalokba ka nung Lakhimpur, Simaluguri nung nisung ka tenüng agi, Joga Barua-i tekülem kidang nungi slipper auyaba atema loktii pa tepset.
“Hombarnü lokti kati yirua alisangji Simaluguri police outpost- anir aru. Mongolbar anepdang pa süchia aoba sülen mozükodangi anir ao, ajisüaka doctor temi pa tasü bener aru ta ashi,” ta Lakhimpur SP, Brajenjit Singha-i ashi.
Deobarnüa Karbi Anglong district nung nisung kati tetsür tashiyim amshia raksatsü ta tai tonglokja loktii pa tepseta liasü.