Saint-Germain telok French Cup final-i iogo

Paris, April 20 (Agencies): Paris Saint-Germain (PSG) teloki goal 1-0 agi Lorient telok madak semfinal asaya koka tang tasayadak Franch Cup final asayatsü jenjang yashi, Mongolbar nü nguogo.
Sweden nunger Zlatan Ibrahimovic-i külem asayar, Di Maria-i agütsüba pass ball agizüka ball tejakleni bener alu aser Lorient goalkeeper, Benjamin Lecomte ajangdanga goalpost telungi metsüokja par PSG telok nem takok ngudaktsü.
Ibrahimovic-i ball-ji külem asayartem nem pass agütsütsü akok ta aikati bilema repranga ata saka pai ball-ji goalpost telungi metsüokja tan asayamong nung goal 43 buba agütsür asayar aküm.
Defending champions aser Ligue 1 champions, PSG teloki Sochaux mesüra Marseille telok na rong nung ka den final nung ajuruteptsü.