China Tir, Xi-i mitkar naroküm tasen ka angur

Beijing, April 21 (Agencies): China Tir, Xi Jinping-i China’er Joint Operation Command Center (JOCC) indang ‘Commander in Chief’ naroküm tanü, Brehostibar nü anguba sülen par China mitkar lenisütsüren nung maneni tongti shilem agitsü tenzükogo.

Alima ajunga nung züngsem timba, nisung million 2.3 dak tema züngsemba People’s Liberation Army (PLA) lenisütsü tashi abensang, Xi-i Central Miltar Commission (CMC) mendenbuba menden abenba den külemi, pa ya Chinese Communist Party (CCP) yimtenren telok aser National Security Council (NSC) na nunga mendenbuba lir.

Xi-i 2012 küm nungi tenzüka China Tir menden benokba sülen mangatettep adokba South China Sea nung asetkong yangluba aser Japan-i par meyong ta züngokba tzüyim tesemtemi par tongpang nung amshitsü rongtem yoka par China’er mitkar tashi tali itshitsütsü maparen kanga sashia inyaktsü tenzüka lir.

Alima miktartem tajungba küma renemshiba ama, China mitkartemia nungdakba terenemshiba agia tashi tali itshia alitsü tetuyuba ka Xi-i par mitkar lenirtem nem agütsüba osanga jangjaogo.