Wazalem purtem Silver Jubilee among

Mkg. April 21 (TYO) :  Mokokchung yimtak Wazalem Vegetables Farming Co-operative Society tenzüker küm 25 ajungba silver jubilee sentong ka April 16 nü tu mongogo.
Iba sentong nung tongti tesemdanger District Horticulture Officer, Wb.Meyasashi-i jembidang, aluyimertemi tanü putu aluyimba yimya meteta ayimtsü aser mapang tatsüka tzüngda züsenteta yoktetba aonsotsü lutem ayimtsü asoshi ajungshia liasü.
Iba kasa sentong nung Mokokchung ARCS Wt.Alangla Tonger-i Wazalem society pur parnok 27-i taoba küm 25 tsüngda mapa ajak nung yaritepa aruba asoshi tenüngsang agütsüba  kuli kaket agüja liasü.
Iba sentong nungsa Joint Director Agriculture, Wb.T.I.Temjen Lkr, Dy.Registrar of Cooperative Society, Nagaland, Kohima Wb.T.Meren Jamir, Branch Manager, NSCB Wb. Nüngsang, Jt.Plant Breeder, SARS, Wb.Supongmar aser  yimten nungi Tazüng tatar Wb.L.Mapu nungertemi tepela aser tajungshi o jembia liasü.
Iba sentong tenzüka MBA sannüker Wb.T.Lima Pongeni sarasadem aser Wb.L.Thia Lkri tarur pelaa agizüka jembi. Iba sentong nung Riongsanger putu menden tatartem, Arogo lenirtem aser yimtak tanga society asem nungi teshimtetpurtem arua dena liasü.