Excise purtemi ganja seret 310 apu

Dimapur, April 21 (TYO): Tanü Brehostibar nü Excise (Narcotic cell) purtemi Phek district kübok Zelome nunger ka tenüng agi Punyi Chakhesang ket nung ozüngi memelaba temesepba chiyongtsü, ganja seret 310 bena lia apu.
Iba nisungbaji pur ozüng nung aliba ama merenshitsü asoshi bangdak purtem nem agütsüogo. Ozüng anema inyaker apuba mapa ya Wb.Kakiho IE, Shihai IE aser H/c. Khriesizo nunger lenisüba nung takok ngua inyaka liasü.