DPC-i ketdangpur tasen shimba election atema tenüng meshir

Dimapur, April 21 (TYO): Dimapur Press Club (DBC)-i 2016-18 atema election agia ketdangpur tasen shimtsü atema tenüng meshiba osang ka metetdaktsüogo.
Office ketdangpur tasen atema election ji April 29 anüngdang 11:00 ako nung Press Point, Super Market, Dimapur nung agitsü, anungji tejangrar candidate temi Press Point, Super Market, Dimapur nung Election Commissioner, Among Aier nem tenüng agütsütsü akok. Tenüng agütsütsü tatembangbuba anogoji April 25 nü asütsü aser ‘scrutiny’ den tenüng agientsü atema anogoji April 26 nü asütsü.
April 20 nü Press Point nung DPC general meeting agidang Election Commissioner atema teloki shimtetsang, Among Aier-i ketdangsüa Office ketdangpur tasen atema election agitsü.
Iba election junga agitettsü atema iba anogo nung DPC züngsem ajak medema arutsü metetdaktsür, ta DPC sangdong ajangasa metetdaktsü.