Uttarakhand HC-i Tir yimsüsüba agiener

Dehradun, April 21 (Agencies): Narendra Modi-i aniba Centre sorkari Uttarakhand state nung Tir yimsüsüba benoka aliba Brihostibarnü Uttarakhand High Court-i agientsüogo.
BJP atema osang tamajung kaji- tanü High Court-i, state nung Tir yimsüsüba benokbaji Supreme Court-i lateta aliba ozüng dak mapet ta shia Congress nungi Chief Minister, Harish Rawat dang April 29 nü assembly nung par züngsemtem tashi sayutsü tuyuogo.
CM, Rawat-i temepishiba ka benokba nung ajemdaker Chief Justice, K M Joseph aser Justice V K Bist nati akumba HC bench-i, “Sangdonga aliba (Centre sorkari Tir yimsüsüba benokba) anentsür. Shima aliba sorkar asentenshitsü,” ta obendang agütsüogo.
“Tang aliba ken o nung Arrla 356 (Tir yimsüsüba benokba) ji Supreme Court-i lateta aliba ozüng den mapet. April 29 nü assembly nung sorkar tashi tendangtsü,” ta Court-isa ashi.