Tzümetsüng agi Tuli kongshia lir

Mokokchung, April 21 (TYO): Tesüiba anogo ishika Mokokchung district nung tanen makai tzünglu aruba ajanga Tuli nung ali nemzüka aliba tesemtem tzümetsüng agi kongshia süngdonglidong aser tsünüsempongtsü jenti raksatsüogo, ta district ketdangsertem osang ka ajanga metetdaktsü.
Iba dak sentakba nung SDO (C) Tuli, Arikumba-i, ali nemzüka aliba tesemtem nung aliba ki aika tzü agi metsüngbangba ajanga nisung aikati pei talitak ki toktsütsüsa akum, ta metetdaktsü.
Tuli tesem nungsa süaka Tuli nung Patizung ward aser Tsutikong nung Paola Ward tamajungba kongshia National Highway 61 nung gari senzüba khen atema anena lir, kechiyong iba highway yagi item tesem ajanger.
Iba osang züluba mapang tashi nung tzü atsünga aliba ajemdar, ajisüaka maneni  taonunga tzünglu arura ano tamajungba akumtsü akok, ta kasa osang ajangasa metetdaktsü.