Zac Efron-i MTV documentary ka nung shilem agitsü

Los Angeles, April 22 (Agencies) : Disney Channel indang “High School Musical” nung shilem agibs sülen küm ter külen actor Zac Efron-i television sentong ka nung shilem agitsü.

Arishi küm 28 tain Zac-i MTV nung documentary special ka len anitsü aser paisa Michael Simkin, Jason Barrett, Brian Volk-Weiss, Cisco Henson o Edwin Zane nunger den külemi executive producer ama shilem agitsü, ta aceshowbiz.com ajanga metetdaktsü.

Iba sentongji ano tenüng magütsü saka angashiba agi, pai actor, traveler aser food lover ka ama chiyungtsü indang otsü tejangja bushitsü.

Zac Efron tang “Baywatch” movie nung shilem tagidak lir. Iba movie nung pai Dwayne “The Rock” Johnson, Kelly Rohrbach, Alexandra Daddario, Priyanka Chopra, Ilfenesh Hadera aser Hannibal Buress nunger den külemi shilem agir.