Tiger Shroff-i ‘So You Think You Can Dance’ sentong nung tsüngsang

April 22, 2016 : Bollywood nung tsüngsangtsü sempet tajung keta alisang actor Tiger Shroff-i reality show “So You Think You Can Dance ‘Ab India Ki Baari’ nung tsüngsang ka ajanga shilem agia pai shilem agiba “Baaghi” film ajungketa liasü.

Pai ‘street’ yimya nung tsüngsangba ajanga tereprangertem kanga süngmangdaktsü aser pa shilem agiba mapang “Baaghi” film director Sabbir Khan-a pa den külemi tsüngsang.

“Alima nung tsüngsangtepba sentong tulutiba rongnung ka India nunga ayonga akaba atema kanga pela bilemer. India nunger tsüngsangba yimya agi nüburtem kanga ajungmesor aser iba sabang nung shilem agiba ajanga kanga tzüratemogo,” ta Tiger-i sangdong ka ajanga ashi.

America nung akaba sentong “So You Think You Can Dance” yimya nung ayongba sentong nung actress Madhuri Dixit, choreographers Terence Lewis aser Bosco Martis nunger tetendanger asütsü.

“So You Think You Can Dance ‘Ab India Ki Baari'” sentong ya April 24, 2016 nü nungi TV nung yoktsü sentong lir.