Tura by-election atema NPP-i asür Sangma’er jabaso shim

Shillong, April 22 (Agencies) : Tura parliamentary constituency nung May 16 by-election nung tokteptsü atema National People’s Party (NPP)-i asür P A Sangma’er jabaso tanubosang Conrad K Sangma shimogo.
Tanü central election committee senden ka nung iba telemtetba agi, ta NPP atema otongdar, James K Sangma-i metetdaktsü.
Meghalaya nung sorkar teinyakdak Congress-i Chief Minister Mukul Sangma kinungtsü MLA Dikkanchi Shira shimogo.
Tang tashi nung BJP-i iba tetoktepba atema nübo ano meshimi lir aser regional party temi parnok metokteptsü ta metetdaktsüogo.
Meghalaya nungi MP Purno A Sangma ajungbena asüba agi iba menden asoshi by-election agitsüsa akümer.