China Masters: India’er teimla samaogo

Changzhou, April 22 (Agencies): India’er badminton asayar, PV Sindhu aser HS Prannoy nati tamakok anguba sülen India teloki tang tasayadak China Masters Grand Prix Gold badminton asayamong nung joko shilem magitettsüsa jenjang tamajung tanü, Hokolbar nü ajuruogo.
Thailand tsür, Porntip Buranaprasertsuk-i tanü minute 28 nung points 21-17 21-19 ngua Sindhu tetsür quarterfinal asaya nung tsükdaktsü aser China nunger Chen Long-i minute 46 nung points 21-10 21-15 ngua Prannoy-a tebur singles quarterfinal asaya nung tsükdakja liasü.
Tan tamakok ajuruba ya Prannoy-i World Champion aser All England Champion akümtsü jenjang anaben tashi angur, Long den ajurutepa asayadang tasembenbuba tamakok ajurur lir.
Ano külen, China tsür, Luo Ying o Luo Yu nati minute 39 nung points 21-11 21-14 ngua India’er tetsür doubles asayar, Jwala Gutta o Ashwini Ponnappa nata tetsür doubles quaterfinal asaya nung tsükdaktsüba yong India teloki tan asayamong nung takok marok agizüktsü asoshi ayuba teimla ajunga samatsüsa aküm.