US Tir, Obama-i Hiroshima semdangtsü

Washington, April 23 (Agencies): US Tir, Barack Obama-i Japan kübok Hiroshima yimti taruba May ita semdangtsü sentong renemba osang ka White House-i metetdaktsüogo.
Japan nung taruba May ita G-7 senden amentsü ayonga lir aser idangji Obama-i Hiroshima yimtia semdangtsü sentong renemer lir.
Obama-i Hiroshima yimti semdangbaji US Tir mezüngbubai Hiroshima yimti semdanger alitsü.
US mitkartemi atomic bomb tsükdakja kasaji Hiroshima yimti nung pokdaktsüba ajanga World War II tembanga liasü.
Japan Ato Kilonser, Shinzo Abe-ia Obama den aroki Hiroshima semdangtsü sentong renemba osanga angazükogo.
US Secretary of State, John Kerry-ia tan April ita tetenzüklen Hiroshima semdanga, Hiroshima semdanger mezüngbuba US Secretary of State akümba osang jangjaogo.