Ura Villa Colony nung alirtemi lenmang yanglu

Ura Villa Colony nüburtem kilentzü aser lenmang kanga mejungi aliba tesem ka nung mapa inyakba noksa nung angur.

Dimapur, April 23, 2016 (TYO) : Dimapur Municipal Area, 20 ward, Dimapur II constituency kübok Ura Villa Colony nung council membertemi anir nütsüng nübor tulu tila ajak merangtepba sen saruteper JCB amshia tanü April 23, 2016 anogo nung nübotoka lenmang aser kilentzü  (drainage) yanglua amung.
Colony nung oli-orar tim medemdaktsütsü mechi Department aser Government nungi teyari monguaka, tangatetba tajung agi colony nung nübortemi anogo piyong bendanga agüja yaritepba den pei akokba rongsen agi yaritepba asoshi kanga pelar, ta Ura Villa Council tenüng nung Wb. Tinu Jamir, Chairman-i sangdong ka nung metetdaktsü.