Tayimtsü nung nisung kati ni alensettsü merang: Kanhaiya

Mumbai, April 24 (Agencies): Jawaharlal Nehru University kaketshir union Tir, Kanhaiya Kumar, shiba February ita nung police-i pua liasü tanü pai, pa Mumbai nungi Pune-i aoba tayimtsü nung passenger kati pa alenseta südaksütsü merang, ta ashi.
Kumar-i, Manas Deka ya BJP pusemer ka lir aser Jet Airways den police-i pa anema inyaktsü memelungi tenaprong tayimtsü nungi ayazüka ludaktsü, ta ashi.
Ajisüaka TSC nung inyaker Deka-ibo, Kumar-i jembibaji yazü ta shia, “Kü tetsüng yirua lir, ni metsüdaker alanga Kanhaiya dak kongshi,” ta ashi.
Mumbai airport nung Kanhaiya aser Deka naprong tayimtsü nungi ayazüka ludaktsüba sülen Kanhaiya gari ajanga dang Pune-i ao.
Iba dak sentakba video ka Kumar pusemertemi prokogo, kong tena raratepa angur.
“JNU kaketshir lenir, Kumar-i Maharashtra nung BJP sorkar anema jembitsü merangogo, aser iba dak sentakba nung bushisüngdangtsü tuyuogo,” ta State Home Minister, Ram Shinde-i ashi.
Iba tatalokba nung police ketdangser kati, ibaji nisung 8 densema aliba mangatettep ka liasü aser Kumar-i jembibaji o tali bendenloka jembiba lir, ta ashi.
“Ken o ka agüjang ta ashi, saka Kanhaiya-i ken o magütsü. Par medemsangi tai tongloktsübatemji tai ta kuli nguogo,” ta police ketdangser, Deven Bharati-i ashi.
Taküm January ita nung Kumar apuba sülen Kumar-i Ato kilonser Modi aser RSS kanga aija aiben jembiogo.