Meghalaya sorkari CAPF company 30 meshir

Shillong, April 24 (Agencies) : Meghalaya kübok Tura Lok Sabha by-election atema Central Armed Police Forces (CAPF) company 30 talila mapa lemzükjang ta Meghalaya sorkari meshiogo, ta Chief Election Officer, F Kharkongor-i metetdaktsü.
Taküm Tura MP aser National Peoples’ Party tir, Purno A Sangma ajungbena asüba agi iba MP menden asoshi by-election agitsüsa akümer.
“District balala nungi SP tem aser tongti ketdangsertem den senden ka amendang CAPF company 30 yoktsü telemtetbahi agi” ta Kharkongor-i metetdaktsü.
May 16, 2016 nü by-election atema district pungu kübok Assembly constituency 24 nung  polling stations 945 lapoktsü, ta CEO-isa ashi.
Iba tetoktepba atema NPP-i asür P A Sangma’er tanubosang aser NPP tir Conrad K Sangma shimogo. Pai Congress nungi Chief Minister Mukul Sangma kinungtsü Dikkanchi D Shira.