Laptop tasen ka alitsü atema ni ‘Game of Thrones’ nung shilem agi: Maisie Williams

London, April 24 (Agencies): ‘Game Of Thrones’ star, Maisie Williams-i, laptop computer tasen ka alitsü atema ni iba series nung shilem agi, ta ashi.
Maisie arishi küm 12 asüdang lai iba show nung Arya Stark shilem agia liasü, aser tang la arishi küm 19 nung film aser TV actress atema la nübo aginer.
Ajisüaka, iba series nung shilem agitsü atema tezüngzüktep agidang nüngtugu akumtsüji la melungjang nung maliasü, kechiyong lai sen tera aazüka laptop computer tasen ka alitsü atema dang ‘Game Of Thrones’ series nung shilem agi, ta Guardian osang ajanga metetdaktsü.
“Kü melungjang nung kü tebilemba kaji- ni laptop ka alitettsüsa sen peria aazüktetdi ma (?) ta bilema liasü. Kü rabir tebu Gary-i kü dak rangloker ‘Massie, laptop ana alitettsüsabo yangji sen alitsü südi ta ashi’,” ta actress-i lemsatep.
‘Game Of Thrones’ nung shilem agiba dak alia lai Jessica Biel aser Jason Sudeikis na den külemi ‘The Devil and the Deep Blue Sea’ film nunga shilem agitsü. Iba film nung lai talitak ki makar aiür chanu ka shilem, agitsü aser lai Atlantic Ocean ajangdanga aotsü atema rong tila ka yanglutsü.