Yimtsüngtem renlok nungdang India renloktsü : Kiren Rijiju

Itanagar, April 24 (Agencies) : India nung yimtsüng ajak merenlok tashi linük merenloktsü, ta Deobarnü Union Minister of State for Home Affairs Kiren Rijiju-i metetdaktsü.
“Yimtsüngtem renloktsü atema Panchayat Raj rejutem tashi itshitsüla” ta Rijiju-i National Panchayati Raj Day sentong ka nung jembidang ashi.
“Panchayati Raj rejutem tashitait maküm tashi, Centre nung scheme aser mapatongtem atongba nüngdak mali, kechiyong item scheme timba ka yimtsüng tia nung alirtem asoshi lir” ta paisa ashi.
Mahatma Gandhi aser B R Ambedkar nati India nung yimtsüng tia nung alirtem asoshi inyak. Ambedkar-i nübo agi tangar memenepba kintem tashi itdaktsütsü atema inyak. North East merenlok tashi India merenloktsü, ta Arunachal Pradesh MP-isa metetdaktsü.