Delhi-i aoba train ka Asam nung tetsüng longpet

Guwahati, April 26 (Agencies): Mongolbarnü Lumding-Silchar hill section nung Mahur aser Phiding station na tsüngda Delhi-i aoba Poorvattar Sampark Kranti Express train tetsüng longpetba ajanga iba tesem nung train service kongshiogo, ta Northeast Frontier Railway (NFR) sangdong ka ajanga metetdaktsü.
Coach 21 aliba train no. 15601 ji yasüng 6:30 ako nung Silchar nungi New Delhi-i apusoa liasü, aser Mongolbar anepongi 1:50 ako meta Lumding nungi kilometer 83 pilar aliba tesem nung luggage-cum-parcel van indang tetsüng ana longpet, ajisüaka yangji mena alir passenger shinga meyiru.
Railways ketdangsertemi iba tesem nungji mapa inyak tenzükogo aser train ji New Haflong station-i bener aoba sülen passenger tem nem tzü tajemtsü, süngo aser amtsük agüja liasü.
Iba tesem nung tsüngsang mopung majungba ajanga Barak Valley-i aoba lenmang nung timtem adoker. Yashi Lumding-Silchar hill section nung lenmang yangluzükba sülen maneni tang agi tanaben raksar, ta NFR sangdong nung shia lir.