Kohima nung non-local tem verification sangdong

Kohima, April 26 (TYO): Kümshia agiba Non-local verification mapatong May 2 nungi May 21, 2016 nü tashi AIR Station B.O.C Kohima kübok ASU Office HQ nung akatsü, anungji Kohima district nung alir non-local ajaki ILP, service nung alirtemi Identity card, shishilembaba license, voters ID aser tanga ID tem densema nüngdakba kuli kakettem agütsütsüla, ta Angami Students’ Union (ASU) Media Cell sangdong ka ajanga metetdaktsüogo.
Non locals ajaki Original Documents den Photocopies aser passport size Photo 2 agütsütsüla, ajisüaka iba nungji sorkar mapa inyakertembo medensemer.
“Ozüng alema bendanger jenti arua aliba nung lendong keta aliba atema ASU-i  tebilemtsü akar. Iba maparen ajanga senso tajungtem aikati timtem ajangshitsüa akok, ajisüaka iba inyakyim anema longjemer inyaktsü asoshi onoki senso ajak dang amaliteptsü mepishir,” ta ASU sangdong nung shia lir.
2015 küm tenüng züluoka aliba Non-Locals ajak agi 4,100 lir, item rongnung Hindu nunger 2227, Muslim nunger 1850 aser tangartem 23 lir.