Kohima Police-i gari aser bike angu

Dimapur, April 27 (TYO) : DEF Kohima nungi Anti Vehicle Theft Squad (AVTS), D.I.B aser Mobile Unit nungertemi April 26, 2016 nü Old Bye-Pass area, Kohima nung garitem mita reprangdang Tata Sumo (Zonal Taxi) ka sota ayu.
Tata Sumo gari mita reprangdang gari nung aliba aser smart card (RC book) nung aliba chassis aser engine number meputep aliba ajitet. Iba dak sendakba nung Senapati, Manipur nung alir A. Jacob’er jabaso J. Dominic ta ser nisung ka apu, ta Sub-Divisional Police Officer (South) & PRO Kohima-i sangdong ka nung metetdaktsü.
Garitem mita reprangba mapang check point leni motorbike ka nung nisung ka mener aru, saka pai police ngur bike ji toktsür jena ao. Police-i bike reprangdang registration number aser chassis o engine number tem meputep aliba ajitet aser iba jagi bike ji sota ayu. Iba dak sendakba nung ken o ka benokogo, ta Kohima Police sangdong nungsa shia lir.