CIHSR nung wheelchair training unit ka lapok

Dimapur, April 27 (TYO) : Bodbarnü Christian Institute of Health Sciences & Research (CIHSR), Dimapur-i NGO, Motivation India den yaritepa wheelchair training unit ka lapokogo.
Iba unit ya Physical Medicine & Rehabilitation Department, CIHSR complex kima nung Motivation India representative Mukul Kishore-i lapoktsü.
Iba sentong nung CIHSR deputy director (admn), Dr. Viu Meru, medical superintendent, Dr. Jacob Chacko aser lead consultant (Orthopedic), Dr. Keith Kalyan Ingty nungertemi anir CIHSR faculty aser staff ajak aden.
Iba wheelchair training unit lapokba ya Nagaland nung alirtem atema dang masü saka Manipur aser Assam nung alirtem atema tajangzük tulu ka asütsü. Wheelchairs nüngdakertemi centre-i arua Dr. Ingty den ajuruteptsü akok aser pai wheelchair tapu trok nungi shimteta agütsütsü.
Iba sülen wheelchair amshiyim training agütsütsü. CISHR nung amshiba wheelchair ji technology tasen amshia UK nung yangluba aser India nung assemble asüba lir. Nüngdakbapur nem jenjang tajemba nung agütsütsü.