Nagaland Angh-i Kargil rara nung asürtem tushi

Dimapur, July 28 (TYO) : July 26, 2015 nü 16 buba Kargil Vijay Divas nung Nagaland Angh P.B. Acharya-i Kargil War nung taküm bendang agütsürtem tushiogo.
Indian Army nungi Jawans aser Officers 490 den Civilian aikati taküm bendanga agütsüba ajanga iba rara akok aser iba ta tanü putu nung rara takok tulutibatem rongnung ka lir, ta Angh-i ashi.
Angh-isa Nagaland nungi Capt. Neikezhakuo Kenguruse-i Kargil rara nung taküm bendanga agütsüba atema tenüngsang agüja tushiogo.