Kangana adenba noksa temji teyanglushiba lir: Hrithik’er telok

New Delhi, April 28, 2016 : West Indies cricket asayar aser kentener Dwayne Bravo-i, “Bollywood nung shilem agitsüji ni atema tejangraba tulutiba lir,” ta ashi.
“Bollywood nung densema yangji shilem agitsüji kü tejangraba rongnung ka lir aser ni khenbosa ibaji atema merangdangtsü,” ta Bravo-i IANS dang e-mail interview ka ajanga ashi.
Internet nung kanga nüngtugu akümba “Champion” ken atensang Bravo-i pa sapurtem dang pei tejangraba angateta amangtsüla, ta lemsatep.
Cricketer asayasangi, “Bollywood nung inyaktsü atema tasüngdangba karbo aruogo,” ta ashi.
Aji oda süaka Bravo atema Mumbai, April 28, 2016 : Bollywood actor Hrithik Roshan’er otongdari, “Tang Hrithik Roshan mangatettep adoka alila actress Kangana Ranaut tena indang noksa nung ochi mali,” ta metetdaktsü.
“Krrish 3” film nung Hrithik den tongti shilem agila Kangana dak pai azüloker tangokba noksa ka tan hopta to kari online nung prokshiba sülen actor ana tsüngda iba ken o tera tamangjungba küma ao.
Hrithik atema okatsür temi iba noksa ajanga terasa rangben meperidaktsür ta aitsüogo.
Bodhbar nikongdang Kangana’er okatsür Rizwan Siddiquee-i, “Mezüngbuba nung iba ken o atema Hrithik atema nokdaker advocate ji shibar jangjaner,  kechiba süra pa indang advocate melenshir amai ni bilemer. Advocate tasenbai yakbang nung pa tenüng nung sangdong agütsütsüla, aser yamaji asüba ajanga ken o dak sentakba otsü nüburtem ajaki angutsüsa online ajanga meprokshitsü,” ta sangdong ka ajanga metetdaktsü.
“Noksaji teyanglushiba ta asübaji kechi tetetzü? Noksa nung alibaji Kangana o Hrithik na masüa ta shinürba asü mesüra tena noksa nung adokba yimya kar melenshi-a ta shiner?  Iba teratet shitak angütsütsü nüngdak kechiba süra Hrithik-i Kangana yimya memeteti iba noksa ajanga jakdaka tiyazü jembiba sayur koba asenok ajaki kanga jangja meteta lir. Anungji asenok nüngdak makaba nung asatepa makazüi mera tanga agiyonga aotsü nüngdak. Iba ken o tajungtiba nung tembangtsü mechi telok anapronglai osangbenertem dang iba ken o indang kecha mashitsü lemtetogo,” ta sangdong ajangasa ashi.
Kangana okatsüri ashiba dak ajemdaker Hrithik indang otongdar-i, “Noksa aika nung tena meimteper ama sayua lir. Noksa terasa kechi ibajibo mimbanga lir. Iba mangatettep ya tanga kecha atemaka masü saka ochi aser tiyazü na bendangtsü inyakteperba dang lir,” ta metetdaktsü.
“Mangatettep ajak yimjung akümtsü atema angatetteper, anungji osangbener mesüra osangkaket ajanga obendang agütsüba anener shitakba tangatetba tajung nung iba ken o bushisüngdangtsü tenzüka obendang agütsütsü inyaktsüla,” ta otongdarisa ashi.
Tang Hrithik den pilar aliba kinungtsü Sussanne Khan-i Bodhbarnü pa pusema shiogo.
Lai Hrithik aser Kangana na indang “intimate” noksa prokshiba aitsüdang, iba noksa ji photoshop ajanga yanglushiba lir, ta ashi.