NASA wi-fi chip agi smartphone battery jenjang tajungba kümdaktsütsü

New York, July 28 (Agencies): NASA nung bushisüngdangertemi wireless phone, computer aser temang nung sendakloker amshiba osettem atema wi-fi chip ka yanglutetogo aser iba jagi tanga chip/router dang nungi noklang nung noklang agi power tajemba amshir.
California nung aliba NASA meyong Jet Propulsion Lab nung bushisüngdanger Adrian Tang aser University of California-Los Angeles nung professor MC Frank Chang nati yanglutetba chip ajanga WiFi amshiba ajanga oset aika nung battery jenjang tajungba kümdaktsüba ajanga talanglang amshiteter, ta Popular Science osang ajanga metetdaktsü.
Battery tem dak keta aliba shitakba signal melena ‘customised router’ ajanga signal agütsüba ajanga signal inyakyim teti kasa lidaktsür aser ibaji ajanga ‘Data’ ajak signal nung adenshir.
“WiFi ajanga dang signal agütsüba agi battery dak aliba tashi mamshir,” ta Tang-i ashi.
File tem belendang iba chip ya second nung megabits 330 kara akümer, ta parnoki shiogo.
Iba chip yagi tang adoka aliba WiFi router aika ajenzüka yutsüogo, ta bushisüngdangertemi ashi.