‘The Martian’ Toronto Film Festival nung mezüngsüa sayutsü

Los Angeles, July 28 (Agencies): Nungtugu Hollywood actor, Matt Damon aser Jessica Chastain nati tongti shilem agiba ‘The Martian’ film 40 buba Toronto International Film Festival nung mezüngsüa sayutsü renemba osang ka sentong tayongeri metetdaktsüogo.
Julianne Moore aser Ellen Page nati tongti shilem agiba ‘Freeheld’ film-a iba benjungmong nung mezüngsüa sayutsü renema lir.
Kasa sentong nung Johnny Depp-i tongti shilem agiba ‘Black Mass’ film; Ben Foster-i tashihitsü aketba cycle toktepa anishir, Lance Amstrong ama shilem agiba ‘The Program’ film aser Bryan Cranston-i tongti shilem agiba ‘Trumbo’ film nungera sayutsü renemogo.
Jake Gyllenhaal aser Naomi Watts nati tongti shilem agiba aser Jean-Marc Vallee-i directsüa yangluba ‘Demolition’ film-i Toronto Film Festival lapoktsü sentong renema lir.
40 buba Toronto Film Festival ya taküm September ita 10-20 nü tashi agitsü ayonga lir.