Pooja Batra-i ‘Game of Thrones’ nungi Cersei aser Theon Greyjoy na ajuru

April 29, 2016 : ‘Game Of Thrones’ mongpu trok buba pela agizükba mapang ka nung  ‘Virasat’ aser ‘Nayak: The Real Hero,’ film tem nung shilem agia alila, Bollywood actress Pooja Batra bejung nung densema pelatepa liasü.
Iba sentong nung la Cersei, Theon Greyjoy aser Lord Baelish nunger den mapang intok.
La tebang nung sentsü tanak anüba den putepa sübutsü tanak sübuba ajanga tesentepertem ajak, balakata teburtem kanga peladaktsü. VVIP tem den mapang intokba dang masü saka iba show atema ano mongpu tasen ka arutsü ta lai ashi.
Nisung aikati India nungi actress, Pooja ya kechi atema iba sentong nung ya adener ta bilema alitsü südi.
Pooja ya Bollywood aser Hollywood na lokteper inyakba project company acha ayanger ka lir.
La ya taküm  Golden Globes red carpet sentong nunga adenba nguogo.