A.R. Rahman Carlos Santana den külemi shilem agi

San Francisco, April 29, 2016 : India nungi ken mejemer aser kentener, Oscar sempet anaben ngua alisang, A.R. Rahman-i, “Kanga dang ken tsütsü mongin Carlos Santana den külemi sabang ka nung shilem agibaji jangratemtsüka liasü,” ta ashi.
Grammy award aiben angusang, Carlos Santana den sabang ka nung külemi shilem agiba osang den noksa ka dena Rahman-i Hokolbarnü Facebook ajanga lemsatep.
“Temein Wb. Santana, taonung nü den külemi shilem agiba ajanga kanga jangratemogo….,” ta Rahaman-i noksa teküpolen züluja lir.
Rahman aser Santana na ya Brihostibarnü San Francisco nung akaba sentong ka nung külemi shilem agi, ta osang kar ajanga ashi.