Nagaland Missions Movement

– Rev I. Lanu Jamir.

Iba osang ajanga Nagaland Missions Movement (NMM) indang tongtipang osang ka lemsateper. Nagaland Missions Movement ya arok meyong ta angateta amangba purtemi sarasademtsüba ajanga tanü tashi mapa takok ngua inyaka arudagi. Talisa süia aruba kümtem nung Nija, Kibong, Arogo aser Mungdangtemi sarasadem den tenla tajung agütsüba asoshi NMM Staff ajaki Tsüngrem tenüng sanga ajak dang kangasa pelar ta shisemer.
2016 küma May ita 1 – 7 Mission Week amongtsü joko anogo ishika dang lir. NMM Office nungi  taküma Envelope den osangtsüsangtem Arogo ajak dangi yokogo. Sarasadema amangba purtemi tenla tajung agütsütsü mepishir.
2016 küm Mission Week asoshi Arogotemi tenla bendena agütsütsü asoshi teküpboklen Arogotem tenüng agütsür. Ner Arogo asoshi koba tanatiba (convenient) asütsü, iba Arogo nung tenla bendenbaji agütsüra kanga pelatsü. Ano Arogo kwika nem tenlatem anepalua bendener yoktsü Receipt Book yoka lir, nenoki anepalua bendener NMM Office-i mapang shidak nung yokdaktsüner.
Tenlatemji Item Arogotem Nung Agüjangma:
1.    Chungtiayimsen
2.    Mangkolemba
3.    Mokokchung Town Baptist Church
4.    Changtongya Town Baptist Church
5.    Tuli Town Baptist Church
6.    Nagaland Missions Movement (NMM) Office, Dimapur.
Tsungremi Tetenlar Ajak Moajang.