India tsürtem Archery World Cup final-i iogo

Shanghai, April 29 (Agencies): India’er tetsür lasang toktepa kashishir teloki points 5-3 agi temang jenjang nung alir Germany telok madak takok ngua tang tasayadak Archery World Cup asayamong final asayatsü jenjang tanü, Hokolbar nü nguogo.
Deepika Kumari, Laishram Bombayla Devi aser Laxmirani Majhi nungeri individual toktepba nung tamakok ngua shilem agiba sülen tan mamangtettsüsa Germany telok madak takok ngua tetsür recurve team tetoktepba final nung shilem agitsü jenjang angur lir.
Par asemi Chinese Taipei tsürtem den tan Deobar nü final asayatsü.
Tan asayamong nung 7 buba jenjang nung alir Chinese Taipei telokia points 6-0 agi Russia tsürtem 1 buba semifinal asaya nung tsükdakja liasü.