Kohima DC-i Independence Day atema senden ayonger

Dimapur, July 28 (TYO) : July 28, 2015 nü Kohima district nung Officers, Heads of Institutions, NGOs aser tanga telok ajak Independence Day benjung atema senden ka alitsü ayongzüker, ta Kohima Deputy Commissioner, Rovilatuo Mor IAS-i metetdaktsüogo.
Iba senden ya DC’s Conference hall nung alitsü aser Kohima nung Independence Day sentong atema mapalem aser ground anepalutsü indang onüktem lemsateptsü, ta DC-isa ashi.
Independence Day benjung dak sendakba nung Kohima district administration-i gari lenmang anasa kisüdang amshiba osettem ayuba agientsü tetuyuba agüja lir. Iba tetuyuba nung July 30, 2015 tashi item osettsütem agientsü shia lir, anungji iba anogo anepdang 6:00 ako nungi Administration, Kohima Municipal Council aser Police-i mita aotsü, ta Kohima DC-isa metetdaktsü.
Iba anogo nung mita aodang lenmang anasa yua aliba osettsütem ajak aputsü aser aibelenertem ozüngi melaba ama merenshitsü, ta paisa shisemogo.