Sushmita Sen ya ni atema actress tajungtila lir:Farah Khan

Mumbai, April 30, 2016 : Farah Khan-i kecha mimbanga meyui la dang junga anguba  nisungtem temai adoka ashir.
Choreographer aser director, Farah-i, “Main Hoon Na” film nung superstar Shah Rukh Khan tereprangtsü kanga junger liasü aser Sushmita Sen ya ni atema actress tajungtila lir, ta ashi.
“Main Hoon Na” film yanglur küm 12 tanü, Honibarnü ajungba mapang Farah Khan-i iba film bilemteta item o ya ashi.
Lai, “Ni nisung kar ang tuketa jembir amai asütsü, ajisüaka Shah Rukh 2004 küm tangokba ‘Main Hoon na’ film nung tereprangtsü kanga junger liasü aser miss Chandni ama tesayur shilem agila Sushmita Sen ajak dang tajungtila liasü,” ta twitter ajanga lemsatepogo.
“Main Hoon Na” film ya Army ketdangser otsü ka lir aser iba shilemji SRK-i agi. Ibai kibong otsü lir saka India aser Pakistan yimten otsü-a tera densema lir.
Celebrity aika lai sayuba tsüngkang nung tsüngsangdaktsür külen, “Main Hoon Na” film ya lai mezüng direct asüba film lir. Iba film nung Zayed Khan, Amrita Rao, Kabir Bedi, Satish Shah aser Suniel Shetty nungeria shilem agia lir.
Lai, “Nü mezüng nüknürarji nai kodanga mamatettsü….iba film ya kü mulungjang nung teti alitsü,” ta shisem.
Kodang mapa tsütsü reprangdangdir Sino-Indian film “Kung Fu Yoga” atema  Farah-i tawa Jackie Chan atema tsüngsang ka choreograph süja lir.