T.R Zeliang May 2 nüji Süngratsü aser Longmisai Moatsü amungi arur

Mokokchung, April 30 (TYO): Süngratsü putu mendeni ayongzüka May 2 nüji Süngratsü yimtak Moatsü benjong tuluka amungtsü sentong renemdaki. Longmisa nunga kasa Moatsü sentong ka Longmisa putu mendeni ayongzüka lir. Sentong anaprong nungji Nagaland Chief Minister, T.R Zeliang tongti tesemdanger asütsü jaoka aliba osang ajanga angazüker.
Süngratsü yimtak sentongji anepdang 10:00 ako nungi tenzüktsü aser Longmisa nungji anjungmeshi 1:00 ako meta nungi tenzüktsü sentong renemba osang angazüker.
Süngratsü yimtak Parliamentary Secretary Geology & Mining, Dr. Imtiwapang Aier aser Longmisa yimtak Parliamentary Secretary for Veterinary and animal husbandry, S.Chuba Longkumer natia shilem agitsü. Sentong anaprong nungji yim balalai sobaliba ken aser yar tsüngsang ajanga shilem agitsü mazüngi renemtepdaki ta osang angazüker.