Police-i kinüngtsü o jabaso tepseter apu

Dimapur, July 28 (Agencies) : July 23, 2015 nü Dimapur kübok Kirha yimtsüng nung kinüngtsü den jabaso tepseter ajenba nisung Dimapur Police-i puogo.
Iba nisung ya Bikash Borah (Melow/Mahesh Borah) lir. Pa ya Merapani, Golaghat , Assam kübok Bhelowguri yimer Pona Borah’er jabaso lir, ta Addl.Dy. Commissioner of Police/PRO Dimapur-i sangdong ka nung metetdaktsü.
Diphupar Police Station nungi staff temi kanga meranga bushisüngdangba sülen July 26, 2015 nü Bikash Borah ji Assam nung apu.
July 28, 2015 nü Dimapur Police-i Chumukedima Checkgate nung ILP malir nisung 17 apu. Ano, China nunger nisung 15 Protected Area Permit (PAP) melii state-i aruba atema apu aser parnok Commissioner of Police, Dimapur & Foreigners Registration Officer (FRO) ajanga state adena yokogo, ta Dimapur Police sangdong nungsa shia lir.
Dimapur Police-i 407 Mini Tata gari ka aser Royal Enfield (Motorcycle) ka nguteta lir anungji kiburi kulikaket teperi bener Diphupar Police Station ket nungi agizükang, ta police-i metetdaktsüogo.