Yimsüsürtem atema Couples’ Sunday amung

Kohima, May 1 (TYO) : Deobarnü yimsüsürtem aser parnok kinungtsütem atema Couples’ Sunday Service ka agi aser iba sentong nung Nagaland Chief Minister, T.R Zeliang aser pa kinungtsü na aden.
Iba sentong nung o jembirji Rev Luoliehu Yimsong liasü aser pai apuani tsüngda temulung lemtepa alitsü aser yimten wadang asoshi bendanga agüja inyakba ama pei kibongtem asoshia bendanga agütsütsü tayongzükba agütsü.
“Kiyimbaji ajaki akhümtsübutsüla aser kinungbo aser kinungtsü ajak katika dak temulung lemteptsüla. Kiyimba talenbangba anema inyakertemji Tsüngremi obendangtsü. Takok anguba kibong ka sünüra kibong nung Tulusang Tsüngrem dendaktsütsüla” ta paisa ashi.
Rev. Yimsong-isa kinungbotem dang pei kinungtsü dak tenük sünger pela alitsü ayongzük.
Kibong ka longjema alitsüba atema sarasadem kanga nüngdak aser apuanitemi katika  tenüngsangteptsüla, ta paisa ashi.
“Nüna kanga meimteper ta nür tanurtem nem metetdakjang aser teti katika atema bilemjang” ta Rev Yimsong-isa tayongzükba agütsü.