Mopungchuket Senso Telongjem Mokokchung Moatsümung

Mokokchung, May 3 (TYO): Mopungchuket Senso Telongjem Mokokchung-i Moatsü sentong tajung ka yangi Town Hall Mokokchung nung ayongzüka mungogo. Iba sentong nung Moatsü aener Mongsenyimti aser Merangkong Senso Mokokchung na jaoka amungba ajanga benjong tali meraketdaktsü.
Yim asem nungi tebu teditemi shilem tajung agia lanu asensortem dang iba telungjem ya meraksai maneni bener aotsü asoshi kati ka ajungshitepa liasü.
Mopungchuket nunger anükapang ADC Mangkolemba T. Imtiwapang Aier-i mapang tatsüka agia jembidang, iba ama sentong balaka ayongzükba asoshi pelaba lemsatep.  “Pei sobaliba wazüka ayuba ama alima tzü mopung wazüka ayutsübajia saku tongtibang lir”, ta pai ashi. Paisa lanurtem dang Ao kini benshia aruba “telungjem, khuret aser akhümtsübutep” item noklemtemji maneni benshia aotsü tayongzük agütsü.
Yim asem nungi telok balalai sobaliba kentenmenü aser yartsüngsang balala ia sayuba ajanga sentong tali longsodakja liasü.