Mon nung timtem agi kongshiba tesem nung Health Camp kaogo

Dimapur, May 03 (TYO): May 02, 2016 nü Government Primary school Mon Town ‘D’ nung Health & Family Welfare, Government of Nagaland, Mon aser Mon ADP World Vision India nati ayongzüka Techahan ward, Mon nung timtem agi kongshia alirtem atema angati health screening & immunization for Disaster camp katsüogo.
Iba camp nung Government Primary School Mon Town ‘D’ kaketshir 254 aser tain tanur 151 densema nisung ajak agi parnok 405 temang repranga mozü agütsüogo. Medical team jagi timtem agi kongshia aliba kibongtem, talisa tanurtem aser mashisa tetsürtem nem teyari agütsü.
Medical team nungi L.Khobung, World Vision India Manager, Dr. Chimang Paul (pediatrician) aser Dr. Ngampa (PMR) nungeri tanurtem aser tetsürtem temang reprang, Yarinungla (Lab Tech MMU Mon) aser Ngepsei (GNM SHP Mon) nati vitamin A aser Malaria Rapid test agi aser Dr. Kumkuiba (team lenir) o Azho (GN MMU) nati mozü angati agütsü.
Iba dak sentakba nung nüburtemi Medical team, Health & Family Welfare aser World Vision India nungeri Tewchahan kiyongertem atema temeim mapa tajung atema pelaba lemsatepogo.