Borlengri Arogo mapa nung yariteper dang pelar

Dimapur, May 04 (TYO): Borlengri Ao Baptist Arogo nung Associate pastor (Women) alitsü ki yangluba mapang kija-kibong aser lokti balala shirnokisa nübo, rongsen aser tamang sarasadem agi yaritepogo, nenok ajak dang kanga pelar, ta Construction cum Fund Raising Committee nung tayonger Wr.R.Asangla Jamir aser tezülur Wb. Karitemjen nati tanü sangdong ka ajanga metetdaktsüogo.
“Tsüngremi nenok mapa tajung asoshi maneni moajang,” ta parnokisa sarasadema metetdaktsü.