Saina-i anir India-i World Championships nung shilem agitsü

Jakarta, July 28 (Agencies): India’er tetsür badminton asayar mongin, Saina Nehwal-i anir külen züngsem 18 densemba India teloki Jakarta nung asayatsü ayongba 22 buba World Championships nung shilem agitsü renemogo.
Saina-i 2009 küm nungi tenzüka iba asayamong nung 5 ben tashi shilem agia lir saka lai quarterfinals majangteti tanü tashi World Championships takok marok ken danga agizüka mali, anungji, taruba August ita 10-16 nü tashi asayatsü ayongba Championships nungbo lai takok marok agizüktsüsa shilem agitsü temulungtetba tulu yua lir.
Defending champion, Spain tsür Carolina Marin sülen anidaka, Hyderabad tsürlai tan asayamong indang tetsür shingles asayar tarsensen nung 2 buba jenjang ngua lir.
India’er badminton telok tarsensen yamai lir:
Men’s singles: Kidambi Srikanth, Parupalli Kashyap, H.S. Prannoy
Women’s singles: Saina Nehwal, P.V. Sindhu
Men’s doubles: Pranaav Chopra and Akshay Dewalkar, Manu Attri & B. Sumeeth Reddy
Women’s doubles: Pradnya Gadre and N. Sikki Reddy, Jwala Gutta & Ashwini Ponnappa, Dhanya Nair & Mohita Sahdev
Mixed doubles: Arun Vishnu & Aparna Balan, Tarun Kona & N. Sikki Reddy.