Deepika aser Russell Crowe nati ‘The Mummy’ nung shilem agitsüa akok

New Delhi, May 05 (Agencies): Bollywood nungi actress, Priyanka Chopra aser  Deepika Padukone nati Hollywood nunga ajemoka takok tulu ngudar; Priyanka-i  Quantico nung shilem agiba sülen tang lai ‘Baywatch’ nung shilem tagitak lir, aser Deepika-ia maneni maongka tuluba bushidar.
Osang ka ajanga angazükba agi, Tom Cruise-i tongti shilem agitsü aliba ‘The Mummy’ film tasenba nung shilem agitsü atema Deepika Padukone-a audition agiogo. Tang Deepika  Vin Diesel den külemi  ‘xXx: The Return Of Xander Cage’ nung shilem tagitak lir.
‘The Mummy’ film tasenba nung shilem agitsü atema Huma Qureshi-a audition agiogo ta tamalen osang proka liasü.
Tang tashi nungbo osang tejangja mali, ajisüaka Deepika aser Qureshi napronglai iba film nung shilem agitsü maongka ngura jangratemtsü ka asütsü.
Ano tanga osang ka nung, Hollywood actor, Russell Crowe-ia The Mummy tasenba nung Tom Cruise den shilem agitsü atema maongka bushir.
Oscar award angusang Crowe-i iba action film nung Dr. Jekyll ama shilem agitsüa akok.
The Mummy direct asütsü aser produce asütsü atema transformers screenwriter, Alex Kurtzman shimogo ta osang angazüker.
1999 küm action adventure horror film nung Brendan Fraser-i tongti shilem agiba sülen The Mummy Returns aser The Mummy: Tomb of the Dragon Emperor nunga tongti shilem agia liasü.
The Mummy tasenba ji 2017 küm June ita nung sayatsü sentong lir.